YADDA AKE YIN MAN KWAKWA DA KUMA AMFANINSA

YADDA AKE YIN MAN KWAKWA DA KUMA AMFANINSA

YADDA AKE HADA MAN KWAKWA
Ababe da za’a bukata
•Kwakwa
•Ruwa
Yadda za a hada A samu Kwakwa mai kyau, sai a 6are 6won a kankare
bayan kwakwar ya rage farin kawai. Sannan a yayyanka ta kanana saboda
ta yi saukin markadawa. A zuba ruwa da dan dama a cikin blandar sai a
hada da yankakkiyar kwakwar. Sai a markada har sai markaden ya yi
laushi sosai. A sami a bin tatar kamu a tace ruwan kwakwa sosai. Za a
ga ruwan kamar madara. Za’a iya ajiye markadadden ruwan kwakwa na
kwana daya ma ga wadda ba ta da firiji. Ko kuma a saka shi a firiji domin
ruwan ya hadu sosai. Bayan kwana daya za a ga madarar kamar kindirmo
a saman kwano. Sai a kwashe wannan madarar da aka tace a zuba ta a
cikin tukunyar suya. Sai a dora tukunyar a kan wuta. Haka za a yi ta
juyawa da cokali har sai wannan madarar ta koma kamar ruwan kasa mai
dan duhu. Sai a sauke a sake tacewa. Za a ga man kwakwar ya fito tsaf.
Sai a sami kwalba a ajiye ana amfani das hi yadda ake so.

MAN KWAKWA YANA DA AMFANI DA YAWA GA LAFIYA

Ga kadan daga cikin ayyukansa:
1- Taushin fata – Ana iya shafawa kamar man jiki a shafa a ko’ina har
wuya. Wannan zai sa fata tay laushi da taushi.
2- Man fuska – ana shafawa a zagage kwayar ido da shi yana maganin
bakin da ke fitowa zagaye ido.
3- maganin tamushewar fata na tsufa. Idan ana shafa man kwakwa yana
maganin wannan.
4- Kwantar da fata yayin aski – Man Kwakwa yana gyarawa masu aski,
kamar maza masu yawan yin kurajen fuska, sakamakon gyaran fuska da
sauransu, yana warkar da kuraje.
5- Man goge hakora – akwai magungunan wanke baki dayawa amma
wannan na daban ne ku hada man Kwakwa a gauraya dan kadan a sa a
‘Brush’ a goge baki da shi.

Ayi sharing don Allah